धनगढी -सुदुरपश्चिममा पनि १५ औँ गणतन्त्र दिवस विविध कार्यक्रम गरी मनाएको छ । प्रदेश सरकारले आइतबार प्रदेशको मुख्यमन्त्री तथा मन्त्रिपरिषद् कार्यालयबाट प्रभातफेरी गरेको छ ।
प्रभातफेरी आन्तरिक मामिला तथा कानुन मन्त्रालयको प्राङ्गणमा पुगेर औपचारिक कार्यक्रम गरेर गणतन्त्र दिवस मनाइएको हो । कार्यक्रममा प्रदेशका मुख्यमन्त्री त्रिलोचन भट्टले संसारमा उत्कृष्ट मानिएको गणतन्त्र दिवस संस्थागत गर्नुपर्ने बताए ।
'जनताबाट निर्वाचित व्यक्तिले शासन चलाउने प्रक्रियाले संस्थागत गर्न सकेनौ भने नागरिकहरुको चाहना कुनै पनि परिवर्तनले गर्न सक्दैन’, उनले भने, ‘पाँच वर्षमा जनताका सबै चाहना पूरा गर्न नसके पनि केही सुधार गर्न सफल भएका छौँ ।’
दिवसका अवसरमा यहाँको संस्कृति झल्किने विभिन्न झाँकी पनि प्रस्तुत गरिएको थियो ।
1658923153.jpg)
