अत्तरिया - यातायात व्यवस्था कार्यालय धनगढीले अस्थायी सवारी चालक अनुमतिपत्र (लाइसेन्स) वितरण गर्न सुरु गरेको छ ।
यातायात व्यवस्था कार्यालयले प्रयोगात्कम परीक्षा (ट्रायल) पास गरेकाहरुलाई आजदेखी रसिदको सट्टा अस्थायी लाइसेन्स वितरणको गर्न सुरु गरेको हो ।
अस्थायी सवारी चालक अनुमतिपत्र (लाइसेन्स) वितरणको आज एक कार्यक्रमका बिच सुदूरपश्चिम प्रदेशकी भौतिक पूर्वाधार राज्यमन्त्री चुनकुमारी चौधरीले सुभारम्भ गरेकी छन् । सवारी चालक अनुमतीपत्रको शुभारम्भ गर्दै राज्यमन्त्री चौधरीले अब १ बर्षसम्म चिट बोकेर सवारी चलाउनुपर्ने बाध्यताको अन्त भएको बताइन् ।
उनले अब चिट बोक्नु राख्नुपर्ने अबस्था नरहेको र यसले सवारी चालकहरुलाई निकै सहज हुने बताइन् । बाटोमा चेकिङ हुने र त्यसका लागी चिट बोक्नुपर्ने अबस्था थियो तर अब पानीले भिज्ने, हराउने झन्जट लगाएत सानो चिट बोक्नु बाध्यतावाट यसले मुक्ती गर्नेछ उनले भनिन् ।
१ बर्ष म्याद भएको सो अनुमतीपत्र क्यु आर प्रबिधिबाट जाँच गर्न मिल्ने जनाइएको छ । ट्रायल पास गरेपछि रसिदको सट्टा राजश्व बुझाएकै दिन अस्थायी लाइसेन्स उपलब्ध हुने यातायात व्यवस्था कार्यालय कैलालीका प्रमुख लक्ष्मण शाहले जानकारी दिए ।
उनका अनुसार अहिले एक वर्षका लागि उक्त लाइसेन्स उपलब्ध गराएको अब एक वर्षपछि भने स्मार्ट लाइसेन्छ उपलब्ध गराइने छ । अस्थायी लाइेसेन्स वितरण हुन थालेपछि सेवाग्राहीलाई सहज भएको छ।
1658923153.jpg)
