धनगढी- धनगढीको चौराहामा चौलानी मिनी मार्ट सञ्चालनमा आएको छ । धनगढीको चौराहा मा ग्राहकको सुबिधा र सहजताका लागि एक करोड रुपैयाको लगानीमा चौलानी डिपार्टमेण्टल स्टोरको शाखा सञ्चालनमा ल्याएको चौलानी ग्रुप अफ कम्पनीजले जनाएको छ ।
धनगढी उपमहानगरपालिकाका प्रमुख नृप बहादुर वडले चौलानी मार्टको शनिबार रिवन काटेर उद्घाटन गरे । मेयर वडले ग्राहकहरुको माग र सुबिधालाई मध्यनजर गर्दै सुदूर पश्चिममा पहिलो डिपार्टमेण्टल स्टोर सञ्चालन गरेर चौलानी ग्रुप अफ कम्पनीजले एकै छानामुनी सबै सेवा सुबिधा प्रदान गरेकोमा खुशी ब्यक्त गरे ।
चौलानी ग्रुप अफ कम्पनीजले डिपार्टमेण्टल स्टोरसंगै, निको रेष्टुरेण्ट, चौलानी पुस्तक भण्डार, स्वीमीङ पुल, रेडमड कफि सप सञ्चालन गरिरहेको छ ।
चौलानी गु्रप अफ कम्पनीजका अध्यक्ष मानसिंह साउँदले तिहारपछि धनगढीको मोती चौकमा दोस्रो मिनी मार्ट र चौलानी डिपार्टमेण्टल स्टोरको परिसरभित्र साउना स्टिम, जुम्बा सहितको फिटनेश सेन्टर पनि संचालनमा ल्याउने तयारी भईरहेको जानकारी दिए ।
.jpg)
