अत्तरिया - कैलालीको गोदावरी नगरपालिकाका कोरोना संक्रमित जनप्रतिनिधको रिपोर्ट नेगेटिभ आएको छ । जेठ २४ गते कोरोना पुष्टि भएका नगरपालिकाका पहिलो कोरोना संक्रमित जनप्रतिनिधिको दोस्रो रिपोर्ट नेगेटिभ आएको हो ।
यस अघि पहिलो रिपोर्ट पोजेटिभ आएको थियो । त्यसको १४ दिन पछि स्वाब संकलन गरि धनगढीको प्रयोगशालामा गरिएको परिक्षणमा शनिवर रिपोर्ट नेगेटिभ आएको गोदावरी नगरपालिका स्वास्थ्य शाखाले जनाएको छ ।
१४ दिन पछि दोस्रो रिपोर्ट नेगेटिभ आएको र कुनै लक्षण नदेखिएपछि उनलाई आजै होम आइसोलेसनमा बस्ने गरि घर पठाइदैछ । गोदावरी नगरपालिकाको एक छुट्टै कोठमा रहेका उनलाई आज दिउसो घर पठाइने तयारी भएको स्वास्थ्य शाखाले जनाएको छ ।
उनी सुरुवात देखी नै गोदावरी नगरपालिका भित्र भारतवाट आएकाहरुको ब्यबस्थापन तथा उद्धार कार्यमा खटिएका थिए ।
गोदावरी नगरपालिका भित्रका नागरिकलाई मात्र नभई भारत तथा देशका बिभिन्न ठाउँवाट आएकाहरुलाई पनि क्वारेन्टाइनमा राख्ने देखी अन्य जिल्लामा पठाउने कार्यमा उनी सकृय रहदै आएका थिए । गोदावरी नगरपालिकामा हाल कोरोना संक्रमितको संख्या २२ पुगेको छ ।
