धनगढी – काठमाण्डौंमा गरिएको परिक्षणका सुदूरपश्चिमका थप १ सय ५१ जनामा कोरोना संक्रमण पुष्टि भएको छ । काठमाण्डौंको राष्ट्रिय जनस्वास्थ्य प्रयोगशाला टेकुमा गरिएको परीक्षणमा बैतडीका ७ महिला र ५६ पुरुष गरी ६३ जना, कैलालीका १३ महिला र ३३ पुरुष गरी ४६ जना, डोटीका ३ महिला र १२ पुरुष गरी १५ जना, डडेल्धुराका ९ पुरुष, बाजुराका ८ पुरुष, अछामका १ महिला र ६ पुरुष गरी ७ जना, बझाङका १ महिला र २ पुरुष गरी ३ जनामा कोरोना पुष्टि भएको स्वास्थ्य तथा जनसंख्या मन्त्रालयको नियमित पत्रकार सम्मेलन जानकारी दिईएको छ ।
यस्तै शिक्षण अस्पताल महाराजगञ्जमा भएको परीक्षणमा बैतडीका १ महिला र ४ पुरुष गरी थप ५ जनामा संक्रमण पुष्टि भएको छ ।
यस्तै आजै धनगढी स्थित कोरोना परिक्षण प्रयोगशालामा गरिएका परिक्षणमा थप १२ जनामा कोरोना संक्रमण पुष्टि भएको छ । धनगढी प्रयोगशालामा गरिएको परिक्षणमा शुक्रबार थप १२ जनामा कोरोना संक्रमण पुष्टि भएको हो ।
सेती प्रादेशिक अस्पतालका प्रमुख मेडिकल सुपरिन्टेन्डेण्ट डा हेमराज पाण्डेद्धारा जारी गरिएको सूचना अनुसार थपिएका संक्रमित मद्ये कैलालीका ७, कन्चनपुरका १ , डोटीका ४ जनामा रहेका छन ।
यो संगै आज मात्रै सुदूरपश्चिममा आज १ सय ६८ जना कोरोना सक्रमित थपिएका छन । यो संगै सुदूरपश्चिममा कोरोना संक्रमितको संख्या ७ सय ७५ पुगेको छ ।
1658923153.jpg)
