अत्तरिया - सुदूरपश्चिम प्रदेशमा आज ४ सय ८६ जनामा कोरोना पुष्टि भएको छ । पछिल्लो २४ घण्टामा एक हजार ६९३ नमुना परीक्षण गर्दा थप ४ सय ८६ जनामा संक्रमण पुष्टि भएको हो ।
स्वास्थ्य निर्देशनालय डोटीका अनुसार २९४ नमुना पिसिआर गर्दा १८९ जना र एक हजार ३९९ नमुना एन्टिजेन विधिबाट परीक्षण गर्दा २९७ जनामा संक्रमण देखिएको हो ।
आज संक्रमण पुष्टि भएकाहरुमा भारतबाट फर्किएका ८६ जनामा संक्रमण पुष्टि भएको छ । निर्देशनालयले दिएको जानकारी अनुसार गौरीफन्टा नाकामा ४१ जना, गड्डाचौकी नाकामा २७ जना, झुलाघाट नाकामा १७ जना र पुलघाट नाकामा एक जना गरी ८६ जनामा संक्रमण देखिएको हो ।
यस्तै पछिल्लो २४ घण्टामा सु्दूपश्चिम प्रदेशमा दुई कोरोना संक्रमितको मृत्यु भएको छ । बर्दगोरीया गाउँपालिका वडा नम्बर ४ का ७५ वर्षीय पुरुष र भीमदत्त नगरपालिका वडा नम्बर ८ का ७५ वर्षीय संक्रमित पुरुषको मृत्यु भएको हो ।
यस्तै २४ घण्टामा २५७ जना संक्रमित निको भई डिस्चार्ज भएका छन ।
1658923153.jpg)
